Mjetet e gjetura në QKUK, dyshohet të jenë nga koha e paraluftës.
Kështu e ka konfirmuar për Tëvë1, zëdhënësi i QKUK-së, Shpend Fazliu, duke njoftuar se ato janë gjetur gjatë inventarizimit të inventarit nga Oda e Mjekëve.
“Mjetet dyshohet të jenë nga koha e paraluftës dhe janë gjetur gjatë inventarizimit të inventarit nga Oda e Mjekëve”, është shprehur ai.
Fazliu thotë se në vendngjarje janë ftuar edhe ekipet e specializuara të Policisë së Kosovës për menaxhimin e mjeteve shpërthyese.
“Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme për të siguruar nga rreziku i shpërthimit eventual, duke evakuar personelin përreth dhe siguruar perimetrin e nevojshëm” ka treguar ai.
Ai ka njoftuar se rreth orës 14:00, është pranuar informata për një mjet të dyshimtë, që dyshohet të jetë mjet shpërthyes, në Institutet Paraklinike, në QKUK, hapësirat ku është vendosur Oda e Mjekëve e Kosovës. /teve1.info/
