Nga një muaj paraburgim iu është caktuar E.B. dhe H.Xh., të cilët dyshohet se kanë ndihmuar Faton Hajrizin pas arratisjes nga Burgu i Smrekonicës.
42-vjeçarja dhe 25-vjeçari dyshohen për veprën penale “Dhënia e ndihmës kryesve pas kryerjes së veprave penale”.
Ndërkohë, avokati i 25-vjeçarit, Lutfi Tahiri, ka thënë se këtë vendim e kanë kundërshtuar, pasi që sipas tij nuk janë paraqitur prova që dëshmojnë veprën e cekur penale.
Autoritet serbe deklarojnë se Faton Hajrizi është vrarë në Serbi, pas dyshimit se i njëjti ka vrarë një polic serb, si dhe ka plagosur një tjetër./teve1.info/
