“Nga mali ku flet heshtja… Trepika, Trepika…”
Një varg ky i shkëputur nga një këngë jazz-i që u dëgjua për javë me radhë, pa ditur asgjë rreth frymëzimit, po qoftë edhe për këngëtaren.
Më pas disa mesazhe të tjera, sërish nën tis misteri.
“Lage buzën!”
“Mos rri thatë!”
“Eja t’çoj n’burim!”
“Flladitu!”
Fraza të shkurtra, lozonjare e provokuese, që u shfaqën papritur në rrugë, në qendra tregtare, në ekrane dhe rrjete sociale. Pa asnjë shpjegim. Vetëm me misionin për të zgjuar kureshtje, për të krijuar një ndjesi dhe për t’i lënë njerëzit të pyesnin: “Për çfarë bëhet fjalë?”
Sot, përgjigjja lidhet ngushtë me një produkt të ri në treg: uji Trepika.
Një ujë natyral që buron nga Luboteni, maja më e lartë e Maleve të Sharrit, ku natyra dhe historia ndërthuren në një peizazh unik. Ku kufijtë nuk kanë mundur kurrë të ndajnë kulturën, lidhjet dhe përkatësinë mes shqiptarëve të Shqipërisë, Kosovës dhe Maqedonisë së Veriut.
Pas Trepika qëndron Royal Beverage, kompani e njohur në Kosovë në industrinë e pijeve prej vitit 1994.
Kjo markë lidhet ngushtë me origjinën e burimit. Sepse Luboten nuk është thjesht një pikë në hartë, por një hapësirë që mbart histori, traditë dhe një ndjenjë përkatësie që shqiptarët e rajonit e njohin mirë. Trepika ngacmon në përditshmëri kujtesën, se: ka vende që vazhdojnë të na afrojnë, pavarësisht lokacionit ku jetojmë dhe ndërveprojmë.
Kjo, pasqyrohet edhe përmes elementëve të identitetit të markës.
Shishja e ujit Trepika është frymëzuar nga izoipset e relievit malor të Maleve të Sharrit, ndërsa etiketa e zezë, elegante dhe minimaliste, i jep produktit një pamje premium, të dallueshme dhe me personalitet të fortë. Por karakteri premium i Trepika nuk është thjesht një çështje estetike… është privilegji për të zgjedhur natyralen dhe autenticitetin.
Është një çast kthjelltësie mes ritmit të vrullshëm të ditës.
Është freskia që të rikthen te vetja.
Artikull i sponserizuar
