Në një lidhje direkte në “Info Nata” në Tëvë 1, Gajtani-Osmankaq theksoi se si Këshill i prindërve deri tani kanë bërë një lloj vetëdijësimi, duke u bërë thirrje prindërve që të shkojnë të marrin librat në shkolla, në mënyrë që fëmijët sadopak të kenë mundësi t’i lexojnë ato.
Ajo bën të ditur se pavarësisht kësaj, kanë marrë shumë ankesa se prindërit nuk janë lejuar t’i marrin këto libra.
“Ne si Këshill i prindërve deri më tani krejt çfarë kemi bërë është një lloj vetëdijësimi dhe thirrje të vazhdueshme që u kemi bërë prindërve, siç ka qenë presioni për të shkuar për t’i marrë librat në shkolla, i cili edhe ka funksionuar, për çudi, jo në të gjithë vendin. Për shembull në Prishtinë, kjo është kryer pa problem, mirëpo ne kemi pasur ankesa të shumta në mënyrë të vazhdueshme nga prindërit, nga pjesët e tjera të vendit, ku kanë thënë se nuk është lejuar që prindërit të shkojnë në shkollë dhe t’i marrin librat. Prandaj ne u kemi bërë thirrje atyre që të insistojnë, të tubohen para shkollave, së paku të marrin librat”, tha ajo. /Teve1.info/
