E lindur dhe e rritur në Gjermani, ajo u rikthye në vendlindjen e prindërve të saj si specialiste për analizat e ushqimit.
Për Tëvë1 ajo thotë se ideja e saj për të punuar në Kosovë erdhi pas lidhjes së saj me këtë vend.
“Fal prindërve të mi e kam ni lidhje shumë të fortë me Kosovën., se na kanë rrit si shqiptarë. Edhe kam dasht që eksperiencën që e kom marrë atje, eksperiencën profesionale në Hamburg me nda me venin tem. Kam ardh që 4 muaj, e kom gjet ni staf të mrekullueshëm dhe shumë të profesionalizuar në fushën e tyre. I kam gjet kushtet përafersisht të njëjta si në Hamburg, metodat e njëjta, analizat e njëjta edhe kom msu shumë edhe ktu, po edhe e kom nda eksperiencën time”, tha ajo.
Por, 27-vjecarja thotë se malli për familjen po e detyron që të kthehet në Gjermani, përderisa thekson se dëshira e saj për të qëndruar këtu është e madhe.
“Ka me u kthy edhe pak, se nuk muj me zgjat kohën tem këtu. Pom vjen shumë keq që po kthehem. Kisha pas shumë qef me punu në Kosovë, por familjen e kam në Hamburg edhe për këtë kam vendos edhe mu kthy atje. M’kanë vizitu shumë shpesh, që 4 muj që jom kan këtu, po prapë e kom ndje mungesën e tyne, por e kom gjet edhe ni familje të dytë këtu në laborator”, shtoi ajo.
Hasani thotë se në vendin ku ajo ka punuar, siguria e ushqimit vërtetohej përmes procedurave të njëjta sikurse në Kosovë.
Sipas saj avancimi i Kosovës në këtë aspekt është thuajse pa dallim nga Gjermania.
Kronika e realizuar nga Valëza Sylejmani.
