Ka 5 ditë që ka nisur një sfidë të jashtëzakonshme sportive nga Suhli i Gjermanisë drejt Prishtinës.
E synim ka që brenda 15 ditësh, të përshkojë 1.500 kilometra duke vrapuar.
Miridon Mulolli thotë se kjo iniciativë lidhet me përgatitjen fizike dhe për karrierën në boks.
“Njëra prej arsyeve është rezultati i arritur në ndeshjen e fundit, ku edhe pse e dominova ndeshjen prapë gjyqtarët na nxorën barazim, edhe dashta me marrë këtë iniciativë që me bo sa më shumë kilometra kondicion, që në ndeshjen tjetër mos me lon në fatin e gjyqëtarëve”, thotë Mulolli.
Bashkë me Miridonin, në këtë sfidë është edhe ekipi i tij, të cilët e shoqërojnë në rast të ndonjë rreziku.
“E kom ekipin që është t’u m’përcjell tërë kohën. Aty e bëjmë bukën, gjumin, edhe kështu do vazhdojmë deri në Kosovë. Në 4:30 në mëngjes zgjohem prej gjumit, e ha mëngjesin, në 5:30 dal me vrapu deri në ora 9:30 ose në 10 varet se si është rruga, me ekipin e kem bo planin që çdo 30km me bo pauzën”.
Ky i fundit tregon edhe për vështirësitë që po has gjatë rrugës.
“Për fat të mirë dje i kom arrit 100 km per 13 orë, ka pas edhe ditë tjetër kur i kom bo ma shumë së 15 orë për të njëjtat km. Ditën e martë e kom pas shumë të vështirë pasi nagivacioni më ka fut nëpër mal edhe e lëndova gjurin, ditën e mërkurë s’kom arrit me bo shumë km sa të martën se kom pas probleme me gjurin, s’kom besu qq muj me vazhdu garën prapë”.
Udhëtimi i tij drejt Prishtinës pritet të përfundojë më 15 qershor.
