Komuna e Prishtina ka bërë të ditur se nga 16 marsi do të fillojë punimet e projektit “Rrugët për fëmijë”, me të cilin sipas njoftimit, synohet krijimi i rrugëve më të sigura për fëmijët e kryeqytetit.
Nga Komuna kanë thënë se punimet do të nisin të enjten në hapësirat përreth Shkollës Fillore të Mesme të Ultë “Elena Gjika”.
Nëpërmjet projektit “Rrugët për Fëmijë” do të krijojmë një mjedis më të sigurt dhe të këndshëm për fëmijët në hapësirat përreth shkollave të tyre. Pas disa muajsh analizë, matje, projektim, planifikim e takime me qytetarë, ju njoftojmë se punimet do të fillojnë të enjten, me datë 16 mars 2023, duke nisur me hapësirat përreth Sh.F.M.U ‘Elena Gjika’. Nga kjo ditë, rruga që prej Bulevardit ‘Zejnel Saliu’, nga udhëkryqi i rrugës ‘Emin Duraku’, deri te kryqëzimi me rr. ‘Ernest Koliqi’, do të mbyllet përherë për qarkullimin e mjeteve motorike”, thuhet në njoftim.
Po ashtu, në njoftimin e kësaj komune është bërë e ditur se nga ky kufizim përjashtohen veturat e emergjencës, zjarrfikësve dhe veturave të policisë, veturat zyrtare dhe ato të parapara me .
“Sigurisht, me përjashtim të veturave të emergjencës, zjarrfikësve dhe veturave të policisë, veturave zyrtare dhe ato të parapara me ligj – për të cilat do të ketë pistona lëvizës që mundësojnë qarkullimin në raste emergjente. Ne besojmë se me këto intervenime mund të bëjmë një ndryshim të rëndësishëm në jetën e banorëve tanë më të rinj, dhe të njëjtin koncept do ta aplikojmë edhe në rrugët tjera përreth të gjitha shkollave të kryeqytetit. Siguria e fëmijëve është prioriteti ynë!”, thuhet më tej në njoftimin e Komunës së Prishtinës. /Teve1.info/
