U botua në vitin 2012.
Krejt kjo me qëllimi që nxënësit e Kosovës e Shqipërisë, të mësonin nga e njëjta libër.
Por, përderisa në Kosovë u përdor vetëm kjo abetare, në Shqipëri nuk ndodhi e njëjta.
“Mendoj qe nëse eshtë e njëjta qasje sikur me abetaren paraprake, me ate ka qenë msimi kompleks i shkronjave, e mesimdhenesit nuk kanë qenë të gatshëm…”, thotë Ismet Potera, ekspert i arsimit.
E puna më e madhe për një abetare të re të përbashkët mes Kosovës dhe Shqipërisë, duket se tanimë është bërë.
Këtë e konfirmoi edhe kryeministri Edi Rama, në konferencën e përbashkët pas mbledhjes së dy qeverive të hënën.
Ndërkohë nga Ministria e Arsimit, për Tëvë1 e kanë konfirmuar datën se kur kjo abetare e re do të jetë në duart e nxënësve.
“Ajo do të jetë në duart e nxënësve më 1 shtator 2022, me rastin e fillimit të vitit të ri shkollor. Abetarja e përbashkët Kosovë – Shqipëri është si rezultat i mbledhjes së dy qeverive, në nëntorin e vitit 2021. Aktualisht jemi në periudhën e ankesave, në rast se kanë shtëpitë tjera botuese”, thonë nga Ministria e Arsimit.
Por, ekspertët e arsimit, kanë vërejtje e tyre për përzgjedhjen e anëtarëve të komisionit për hartimin e abetares.
“Me sa e pash të gjithë janë gjuhetar, nuk kishte psikolog etj..”, thotë Potera.
Ndryshe, shtëpitë botuese që e fituan garën për botimin e abetares unike, janë të njëjtat sikurse në vitin 2012.
Kronika e realizuar nga gazetari Fidan Zejnullahu
