Kandidati i AAK-së për deputet, Mensur Neziri ka thënë se për katër vjet jeta e qytetarëve të Kosovës është vështirësuar.
Ai ka thënë se qeveria aktuale nuk ka sjellë asnjë ndryshime në asnjë sferë.
“Qytetarët në vitin 2021 e kanë votuar një qeveri për më sjellë ndryshime dhe ndryshime nuk ka pas, përkundrazi është vështirësuar jeta e qytetarëve dhe kualiteti i jetës në Kosovë”, ka thënë ai.
Duke komentuar deklaratën e ministres, Donika Gërvalla për Ramush Haradinaj ai ka thënë se fatkeqësisht aq dinë ajo.
Ai tha se Gërvalla votat i ka marrë në emër të babait të saj, i cili ka luftuar bashkë me çlirimtarët dhe të del ajo me deklarata të tillë është e palogjikshme.
Kjo duhet më fol diçka sepse për 4 vite nuk dinë kush që ka zhvillu të paktën katër takime serioze diplomatike më ndonjë shtet…”, ka deklaruar ai në emisionin “Ditari” në Tëvë1.
Duke komentuar dënimin e PZAP-së për deklaratën e Gërvallës, ai tha se shpreson që dënimi i saj kryesor të jetë me vota më 9 shkurt.
“PZAP e ka kryer punën e vet për gjobën dhe kjo kryhet me të holla, por unë shpresoj që Donika ta marrë dënimin me votë më 9 shkurt dhe të vazhdojë punën që ka pas si mision, por jo të funksionojë në Kosovë, pasi më së paku kemi pasur nevojë për një profil të tillë…Besoj që qytetarët e kanë respektu Donikën hatri i babit të saj”, ka deklaruar ai.
Ndryshe, Lëvizja Vetëvendosje është gjobitur me 10 mijë euro gjobë nga Paneli Zgjedhor për Ankesa dhe Parashtresa.
Kjo për deklaratën e ministres së Jashtme, Donika Gërvallës që Ramush Haradinajn, kandidatin për kryeministër të koalicionit Kosova Fituese e quajti “Gjeneral të vetëshpallur”.
Gërvalla këtë deklaratë e tha në tubimin në kuadër të fushatës zgjedhore në qytetin e Deçanit.
