Pesë herë kampionët Brazili do të hyjnë në ndeshjen e tyre të parë me eliminim direkt në Kupën e Botës 2022 në Katar me një nga kërcënimet e tyre më të rrezikshëm- superyllin Neymar – përsëri në fushë.
Neymar dhe skuadra e Brazilit pritet të luajnë sonte në mbrëmje kundër Koresë së Jugut në orën 20:00 (19:00 GMT) në stadiumin ‘974’, pasi pamjet e publikuara nga federata braziliane e futbollit treguan sulmuesin në gjendje të mirë teksa bënte stërvitje me top dhe gjuajti në portë një ditë para ndeshjes.
Trajneri i Brazilit Tite u kishte thënë më herët gazetarëve se do të fillonte me sulmuesin nëse ai ishte i aftë për të luajtur. “Preferoj të përdor lojtarin tim më të mirë që në fillim”, tha Tite të dielën. “Është trajneri ai që duhet të marrë atë vendim dhe të marrë përsipër atë përgjegjësi”.
