Kryeministri izraelit Netanyahu njoftoi se i ka urdhëruar ushtrisë të nisë menjëherë sulme të fuqishme në Gaza.
Mbetet e paqartë se kur dhe ku do të ndodhin këto sulme.
Sipas qeverisë izraelite, ky veprim vjen si përgjigje ndaj asaj që ajo e quan shkelje të armëpushimit nga ana e Hamasit për shkak të dështimit për të dorëzuar trupat e 13 robërve të mbetur që ndodhen ende në Gaza.
Hamasi ka deklaruar vazhdimisht se kërkon ndihmë në terren, duke përfshirë ekipe të specializuara dhe makineri të rënda, për të rikuperuar trupat.
Në ditët e fundit, Izraeli ka lejuar një ndihmë të tillë, megjithatë jo të gjitha trupat janë zhvarrosur.
Ndërmjetësit ,së bashku me zyrtarët izraelitë dhe amerikanë, përfshirë Trumpin, pranuan se gjetja e të gjithë trupave të robërve të varrosur nën miliona ton rrënoja në të gjithë Gazën do të ishte një detyrë jashtëzakonisht e vështirë.
Ndwrkohw, pas këtij njoftimi, krahu ushtarak i Hamasit ka njoftuar se do të shtyjë dorëzimin e trupit të të burgosurit izraelit që u gjet më herët sot “për shkak të shkeljeve” nga Izraeli, ka raportuar Al Jazeera.
Në një deklaratë, Brigadat Qassam theksuan se çdo përshkallëzim izraelit “do të pengojë operacionet e kërkimit, gërmimit dhe rikuperimit të trupave, gjë që do të çojë në një vonesë në rikuperimin e trupave” të robërve të vdekur.
