Kryeministri izraelit është nisur të dielen, për në Shtetet e Bashkuara ku do të takoj presidentin amerikan dhe zyrtarë të tjerë të lartë të Shtëpisë së bardhë.
Ai pritet të diskutojë fazën e dytë të armëpushimit të në Gaza, ka thënë zyra e tij.
Negociatat për fazën e dytë të armëpushimit do të fillojnë në Uashington, DC të hënën, tha zyra e Netanyahut, raporton AJ.
Ky do jetë takimi i parë i presidentit Trump me një udhëheqës të huaj, që nga inaugurimi i tij për një mandat të dytë.
Është gjithashtu udhëtimi i parë i Netanyahut në SHBA që kur Gjykata Ndërkombëtare Penale (ICC) lëshoi një urdhër arresti kundër tij në nëntor për krime lufte të kryera në Rripin e Gazës.
Politikanë të lartë amerikanë po përpiqen të sanksionojnë gjykatën ndërkombëtare lidhur me urdhër-arrestet e Netanyahut dhe ish-ministrit të Mbrojtjes Yoav Gallant, dhe kanë kërcënuar të vendosin në listën e zezë prokurorët kryesorë të saj dhe familjet e tyre.
