Presidenti i SHBA-së, Donald Trump, tha të hënën se përparësia numër një në Gaza është ushqimi i njerëzve, sepse “ka shumë njerëz të uritur”, duke shtuar se nuk do të mbajë një qëndrim për shtetësinë palestineze për momentin.
Presidenti Trump iu përgjigj një pyetjeje nga gazetarët nëse pajtohet me vlerësimin e kryeministrit Benjamin Netanyahu se nuk ka uri në Gaza, duke thënë: “Bazuar në televizion, do të thoja se jo veçanërisht, sepse fëmijët duken shumë të uritur”.
Duke folur përkrah kryeministrit britanik, Keir Starmer në resortin e tij të golfit në Turnberry të Skocisë, Trump tha se Shtetet e Bashkuara kishin siguruar 60 milionë dollarë për ndihmë humanitare dhe se kombet e tjera do të duhet të ndërhyjn,raporton AP.
Në maj, GHF e mbështetur nga SHBA-të mori përsipër shpërndarjen e ndihmave në Gaza, duke lënë mënjanë Kombet e Bashkuara dhe grupe të tjera ndërkombëtare.
Zyrtarët humanitarë e kanë përshkruar sistemin e udhëhequr nga GHF si katastrofik, me vetëm ndihmë të kufizuar të shpërndarë në vendet e mbyllura ushtarake pranë vendit ku qindra palestinezë të uritur dëshpërimisht janë vrarë ndërsa prisnin ndihmë./teve1/
