Sipas dokumenteve të publikuara nga Kanali 13 izraelit, kryeministri Benjamin Netanyahu refuzoi një marrëveshje që mund të siguronte lirimin e të gjithë pengjeve dhe përfundimin e luftës në Gaza.
Dokumentet tregojnë se liderët e sigurisë izraelite besonin se një marrëveshje gjithëpërfshirëse ishte e realizueshme dhe se lufta mund të rifillonte më vonë nëse ishte e nevojshme. Por Netanyahu e kundërshtoi këtë qasje.
Takimi vendimtar ndodhi më 1 mars 2025, pas lirimit të disa pengjeve. Gjeneralmajor Nitzan Alon tha se “mundësia e vetme për lirimin e mëtejshëm është faza e dytë e marrëveshjes.”
Drejtori i atëhershëm i Shin Bet, Ronen Bar, mbështeti përfundimin e përkohshëm të luftës për të shpëtuar pengjet.
Megjithatë, Netanyahu zgjodhi të rifillonte luftimet më 18 mars, duke braktisur fazën e dytë të marrëveshjes. Izraeli më vonë u tërhoq edhe nga bisedimet në Doha.
Forumi i Familjeve të Pengjeve reagoi ashpër, duke akuzuar qeverinë se ka mashtruar publikun dhe ka sabotuar marrëveshje të mundshme.
Sipas tyre, disa pengje u vranë ndërsa prisnin një marrëveshje që qeveria nuk synonte ta realizonte. Deri tani, 50 pengje mbeten në Gaza, ndërsa mbi 10.800 palestinezë janë në burgjet izraelite.
