Kryeministri izraelit, Benjamin Netanyahu në një intervistë për Fox News tha se Izraeli do “të marr kontrollin e gjithë Gazës”.
Netanyahu tha se “ne synojmë që në mënyrë që të arrijmë sigurinë tonë, ta largojmë Hamasin nga aty, t’ia mundësojmë popullsisë që të jetë e lirë në Gaza
“Ne synojmë”, u përgjigj Netanyahu, “që të sigurojmë sigurinë tonë, të largojmë Hamasin nga atje, t’i mundësojmë popullsisë të çlirohet në Gaza dhe ta kalojmë atë nën qeverisje civile që nuk është Hamasi dhe askush që mbështet shkatërrimin e Izraelit”.
“Kjo është ajo që duam të bëjmë. Ne duam të çlirojmë veten dhe popullin e Gazës nga terrori i tmerrshëm i Hamasit.”
Netanyahu tha gjithashtu në intervistë se Izraeli nuk dëshiron të jetë “një organ qeverisës” në Gaza, ka cituar Al Jazeera.
“Nuk duam ta mbajmë. Duam të kemi një perimetër sigurie. Nuk duam ta qeverisim.”
Izraeli ka vrarë mbi 60,000 njerëz në Rripin e Gazës që nga tetori i vitit 2023. Bllokada e territorit nga Izraeli ka çuar në mungesa të mëdha ushqimore dhe vdekje nga uria.
Në nëntorin e kaluar, Gjykata Ndërkombëtare Penale lëshoi urdhër-arreste për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
Izraeli poashtu akuzohet për kryerjen e gjenocidit në enklavën palestineze në Gjykatën Ndërkombëtare të Drejtësisë./teve1/
