Nëntë persona kanë mbetur të lënduar si pasojë e një aksident trafiku që ka ndodhur mes gjashtë veturave në Gjilan.
Personat kanë pësuar lëndime të lehta trupore.
Kështu ka bërë të ditur zëdhënësi i Policisë së Kosovës për rajonin e Gjilanit, Ismet Hashani.
“Me datën 16.08.2025 rreth orës 22:20 kemi pranuar një informatë se në rrugë “Lufta e Gjilanit’’ në qytetin e Gjilanit ka ndodh një aksident zingjir në mes të gjashtë veturave në lëvizje. Në këtë aksident nëntë persona janë lënduar dhe sipas raportit të mjekut lëndimet janë të lehta”, tha ai.
Ndërkohë, njoftoi se Policia e Kosovës – njësit e trafikut rajonal po i hetojnë rrethanat e këtij rasti. /teve1.info/
