Ministria e Kulturës ka njoftuar se në kuadër të prezencës së QKK-së në Tregun Evropian të Filmit në Berlinale, është nënshkruar edhe marrëveshja në mes QKK-së dhe Tatino Films.
Sipas njoftimit, kjo marrëveshje parashesh trajtim të veçantë tre vjeçar (2023-2025) për filma të Kosovës përmes realizimit të punëtorive në kuadër të programit të dedikuar – First Cut Lab Kosovo.
Bëhet e ditur se qëllimi i First Cut Lab është të mundësohet arritja e potencialit artistik të filmave dhe njëkohësisht rritja e vlerës së filmave në tregun ndërkombëtar dhe prezencës së tyre në festivale të rëndësishme.
Kurse në First Cut Lab kanë kaluar një numër i konsiderueshëm i filmave të suksesshëm nga Kosova si ‘Vera andrron detin’, ‘Në kërkim të Venerës’ etj.
“Në kontekst të punës drejt rritjes së potencialit të filmave të Kosovës, përveq ofrimit të ekspertizës për fazën e montazhës, drejtuesi i QKK-së, Lum Çitaku ka zhvilluar takime në drejtim të ofrimit të mbështetjes më sistematike edhe për fazën e zhvillimit të skenarit të filmave nga Kosova”, thuhet tutje.