Komuna e Mitrovicës së veriut ka nënshkruar kontratën për projektin e ri, ku do të ndërtohet një hapësirë sportive dhe rekreative.
Këtë e ka bërë të ditur kryetari i kësaj komune Erden Atiq.
“Është nënshkruar kontrata për realizimin e projektit të ri në rrugën Kollashini – një hapësirë moderne sportive dhe rekreative që do të marrë formë shumë shpejt. Ky investim përfshin rregullimin e parkut, ndërtimin e fushave për tenis, basketboll dhe volejboll, duke kthyer këtë zonë në një qendër të aktiviteteve fizike, shëndetit dhe bashkëjetesës komunitare. Krijimi i hapësirave të tilla nuk është vetëm investim në infrastrukturë, por në një mënyrë jetese më të mirë për të gjithë qytetarët tanë”, ka shkruar ai.
