Dy persona janë lënduar me thikë mbrëmjen e së mërkurës në Vushtrri, si pasojë e një përleshjeje.
Sipas raportit të Policisë së Kosovës, ngjarja ka ndodhur në rrugën “Pandeli Sotiri”, dy meshkuj kosovarë kanë kërkuar ndihmë mjekësore pasi dyshohet se janë sulmuar nga tre persona.
Policia njofton se të dyshuarit janë identifikuar dhe arrestuar.
Pas intervistimit, me vendim të prokurorit, tre të dyshuarit janë dërguar në mbajtje. Rasti po trajtohet nga organet kompetente nën veprat penale “lëndim i rëndë trupor” dhe “pjesëmarrje në rrahje”.
