Është në nënshkruar granti 12.6 milionë euro për menaxhimin e mbeturinave në Prishtinë, Prizren dhe Gjilan.
Ky projekt financohet nga Bashkimi Evropian dhe menaxhohet nga KfW.
Në ceremoninë e nënshkrimit të këtij granti, ministri i Financave Hekuran Murati, vlerësoi rolin e këtij projekti në garantimin e infrastrukturës adekuate për menaxhimin e mbeturinave dhe theksoi se iniciativa të tilla ndikojnë në përmirësimin e cilësisë së jetës për qytetarët.
“Murati përmendi se kjo marrëveshje vjen pas dy marrëveshjeve tashmë të ratifikuara, njëra me vlerë 19 milionë euro dhe tjetra me vlerë 1 milion euro nga KfW, me ç’rast falënderoi KfW dhe BE për bashkëpunimin e vazhdueshëm”, tha ai thuhet në komunikatë.
Në ceremoninë e nënshkrimit ishin të pranishëm edhe drejtori i KfW për Evropën Juglindore, Klaus Muller, drejori i Zyrës së KfW në Kosovë, Moritz Reme, Udhëheqësi i Departamentit të Bashkëpunimit në Ambasadën Gjermane në Kosovë, Daniel Alker, Zëvendës Udhëheqësi për Bashkëpunim në Zyrën e BE-së, Alessandro Bianciardi si dhe Kryeshefi Ekzekutiv i Kompanisë për Menaxhimin e Mbeturinave, Dardan Velija.
Klaus Muller theksoi rëndësinë e zhvillimit të infrastrukturës për menaxhimin e mbeturinave, si dhe gatishmërinë e KfË për ta mbështetur Qeverinë e Kosovës në këtë drejtim.
Ceremonia përfundoi me nënshkrimin e grantit, i cili do të zbatohet nga Kompania për Menaxhimin e Deponive në Kosovë.
