Në “Info Nata” në Tëvë 1, Llumnica thotë se kjo për shkak se asnjëherë nuk janë ftuar që të jenë pjesë e Komisionit përzgjedhës të kandidatëve për punësim në Korporatë.
“Në realitet asnjëherë nuk kemi qenë të involvuar në konkurse të tilla, nuk kemi qenë as si vëzhgues as si komisioner kemi dëgjuar prej medieve dhe është shqetësuese se jo sot por çdo kohë në KEK ka pasur punësime partiake familjare sende siç po duket në bazë të ragimeve po shihet se mund të ketë edhe sot punësime partiake e nepotizëm familjar”, tha ai.
Llumnica deklaron se si Sindikatë kanë shprehur shqetësimin lidhur me këtë çështje, për shkak se nuk kanë dëshirë që asnjë qytetari t’i bëhet e padrejtë për punësime.
“Ne kemi shpreh shqetësimin tonë sepse nuk kemi dëshirë që asnjë qytetari t’i bëhet e padrejtë të ketë pikë të mjaftueshme e të mos pranohet për intervistën gojore është absurditet duhet të presim edhe ankesat edhe veprimet e KEK, menaxhmentit, me qëllim të përfundohen këto procedura dhe të shohim se a janë të drejta. Ne mund të reagojmë por si sindikatë jemi në mbrojtje të interesave të punëtorëve të KEK-ut krejt çka mundemi me bë me shpreh shqetësimin se qytetarëve iu ka bërë e padrejtë nëse ka veprime të tilla ashtu siç raportohet”, shtoi Llumnica.
Po ashtu, ai thotë se kjo nuk “diçka e re”, pasi që edhe në të kaluarën ka pasur punësime partiake e familjare për çka edhe u ka vështirësuar atyre procesin e punës./teve1.info/
