Tolaj ka thënë që qytetarët duhet të jenë të përgatitur pasi që nga reshta e mëdha të shiut niveli i lumit Erenik është rritur dhe sipas tij rrezikon edhe të dal nga shrati, përcjellë teve1.info.
“Ju lutemi për kujdes të shtuar për shkak të reshurave të dendura të shiut që kanë përfshirë Komunën tonë, e që ka bërë që niveli i ujit në Lumin Erenik të rritet e që pastaj rrezikon edhe të dal nga shtrati”, ka shkruar ai në Facebook.
Po ashtu Tofaj ka kërkuar nga qytetarët që në rast të ndonjë emergjence të kontaktojnë policinë apo zjarrëfiksat.
“Krahas thirrjes për kujdes ju lutemi që në rast të ndonjë emergjence të lajmëroni Zjarrfiksat (193) apo edhe Policinë e Kosovës (192). Kjo gjendje mund të vazhdoj edhe në ditën në vijim sepse sipas IHMK-së, zonat më të rrezikuara nga vërshimet janë në Dukagjin, qytetet Gjakovë, Junik, Deçan, Pejë, Istog, Klinë, Malishevë dhe Rahovec”, ka shtuar ai tutje.
Ndërkohë, Instituti Hidrometeorologjik i Kosovës ka njoftuar se do të mbajë mot kryesisht i vranët dhe vende-vende me riga shiu.
Sipas institutit, të dielën reshjet do të jenë të intensitetit të mesëm deri të lartë dhe parashihen të përfshijnë gjithë territorin, ndërsa në viset malore reshjet e shiut do të shoqërohen edhe me borë.
Ndërkaq reshjet e dendura të shiut kanë bërë që edhe rrugët në Talinovc të Ferizajt të vërshohen.
Ky problem për qytetarët e Ferizajt vazhdon tash e shumë vite sidomos kur ka reshje të mëdha të shiut.
