Ndarja e bujshme mes reperit Ledri Vula dhe Sara Hoxhës vijon të jetë në qendër të vëmendjes së mediave dhe publikut.
Së fundmi, në një intervistë këtë temë e ka komentuar edhe nëna e tij Xheraldina Vula.
E njohur për sinqeritetin dhe deklaratat e saj të drejtpërdrejta, Xheraldina pranoi se lajmi për ndarjen ka qenë një tronditje për të gjithë familjen.
“Askush nuk gëzohet kur fëmija i tij ndahet, sidomos kur kemi të bëjmë me një çift që dukej kaq mirë bashkë. Ishte shumë befasuese për ne, u ndjemë keq”, ka thënë ajo.
Megjithatë, Xheraldina theksoi se vendimet për jetën personale u përkasin vetë të rinjve dhe se prindërit nuk mund të ndërhyjnë në zgjedhjet e tyre.
“Nuk e kemi pritur mirë, por të rinjtë nuk na pyesin. Ata vendosin vetë për marrëdhëniet e tyre”, ka shtuar Xheraldina.
E pyetur për raportin e saj me Sarën pas ndarjes, Xheraldina u shpreh se marrëdhënia mes tyre mbetet e pandryshuar dhe pa asnjë tension.
“Unë me Sarën vazhdoj të kem të njëjtin raport. Nuk ka asnjë konflikt mes nesh. Ajo kujdeset për vajzën, e sjell te gjyshja, na viziton. Gjithçka është shumë korrekte dhe njerëzore”, u shpreh Xheraldina.
