Tri shtetase të Kolumbisë kanë njoftuar se janë grabitur nën kërcënimin e thikës nga gjashtë persona në Prishtinë.
Sipas Policisë, viktimat kanë deklaruar se rasti kishte ndodhur më 17 qershor, rreth orës 22:00, në rrugën “Agim Ramadani”, ndërsa grabitja është raportuar më 26 qershor.
Sipas ankuesve, gjashtë persona të dyshuar i kanë përcjellë deri te banesa e tyre, ku më pas i kanë futur në një dhomë dhe nën kërcënimin e një thike, u kanë grabitur katër telefona mobilë dhe 300 euro.
Pas kryerjes së grabitjes, të dyshuarit janë larguar në drejtim të panjohur.
Policia ka bërë të ditur se rasti është iniciuar si “Grabitje” dhe hetimet janë në vazhdim.
“Rr. Agim Ramadani, Prishtinë 17.06.2026 – 22:00. Me 26.06.2026 tri viktimat femra shtetase të Kolumbisë, kanë raportuar se gjashtë persona të dyshuar meshkuj i kishin përcjell viktimat deri tek banesa e tyre dhe të njëjtit i kishin futur viktimat në një dhomë dhe nën kërcënimin e thikës u kanë grabitur 4 telefona dhe 300 €. Të dyshuarit ishin larguar në drejtim të pa njohur. Rasti është duke u hetuar”, thuhet në raport./teve1.info/
