Policia e Kosovës ka njoftuar se në fshatin Lovac në Zveçan, ka hasur një të dyshuar serb kosovar i cili me bager ishte duke marrë zhavorr në skaje të rrugës.
Sipas PK-së ja gjetur edhe tre kamionë dy me targa vendore dhe një me të Serbisë, me drejtues serb kosovarë.
Kamionët janë dërguar të terminalin doganor për verifikim të dokumenteve, ndërsa bateri sipas PK në pamundësi për dërgim në terminal po ruhet nga zyrtarët policorë.
“Është raportuar se disa kamionë me zhavor janë duke lëvizur në rrugën mes fshatrave Junake dhe Lovac, njësitë relevante policore kanë dalë në vendin e ngjarjes ku kanë hasur një bager me drejtues të dyshuarin mashkull serb kosovar i cili ishte duke marre zhavor nga një kodër skaj rruge, po ashtu janë hasur edhe 3 (tre) kamion, dy me targa vendore dhe një me targa të huaja (targa të Serbisë) me drejtues të dyshuarit meshkuj serb kosovarë. Të 3 (tre) kamionët janë dërguar në terminal doganor për verifikimin e dokumentacionit, ndërsa bageri në pamundësi për dërgim në terminal ka mbetur afër pikës statike nën mbikëqyrjen të zyrtarëve policorë”, thuhet në raport.
Rasti është cilësuar si ndotje, degradim ose shkatërrim i mjedisit.
Nuk raportohet për të arrestuar, në lidhje me rastin është konsultuar prokurori i shtetit, rasti vazhdon të hetohet.
