Në veri kanë arritur 117 policë të rinj, të cilët i takojnë gjeneratës së re të policëve të cilët u diplomuan në fund të muajit të kaluar.
Nga numri i përgjithshëm, 79 të punësuar janë të nacionalitetit serbë, 21 janë boshnjakë dhe pjesa tjetër janë të kombësive të tjera.
Policët e rinj janë vendosur të hënën në komunat e Mitrovicës së Veriut, Zveçanit, Zubin Potokut dhe Leposaviqit.
“Ata filluan të punojnë me zyrtarë më të vjetër, të cilët i mësojnë, praktikojnë dhe zbatojnë praktikën”, ka thënë për teve1.info, Veton Elshani, zëvendës komandant i rajonit të PK-së në veri.
Ai saktëson se trajnimi do të zgjasë një vit dhe përfshin punën në patrullë, hetime dhe trafik.
Ndërkaq, Elshani bëri të ditur se 30 policë nga 79 serbë janë nga veriu i Kosovës. /teve1.info/
Policia e Kosovës në veri përveç me objekt të ri bëhet edhe me 117 policë tjerë
