Veturat e ambulancës, e shkrimi në gjuhën serbe janë treguesit se këtu është një qendër e mjekësisë.
Por në këtë objekt në fshatin Uglarë të Graçanicës përveç shërbimeve mjekësore, qytetarët mund të marrin edhe shërbime nga komuna paralele serbe.
Derisa në jug e në perëndim të Kosovës, u mbyllën disa nga komunat ilegale të Serbisë, në afërsi të kryeqytetit, janë ende funksionale.
Puna është duke vazhduar normalisht në komunën paralele serbe këtu në fshatin Uglarë. Qytetarët serb janë duke marrë shërbime në këtë qendër e cila gjendet jo shumë metra larg Prishtinës.
Brenda kësaj komune, punonjësit serb ende janë duke punuar.
Pavarësisht interesimit të televizionit për mënyrën e funksionimit, zyrtarët e këtij institucioni paralel nuk deshën të flasin e as nuk e lejuan hyrjen brenda objektit.
“Nuk mund të marrin këso informatash. Askush s’mund të deklarojë gjë? Askush nuk mundet”, tha ajo.
Në këtë objekt funksionon edhe posta e Serbisë, ku serbët mund të marrin pensionet, pagat e ndihmat sociale nga Serbia.
E jo shumë larg këtij fshati, në Plemetin të Obiliqit është funksionale edhe një komune tjetër paralele.
Kjo shtëpi në të cilën është i vendosur flamur serb, po shërben si komunë ilegale për serbët e qytetit të Obiliqit.
E prezenca e Tëvë 1, ngjalli kureshtjen e punonjësve, ku madje ata edhe fotografuan ekipin e televizionit.(Pamje)
Madje as këtu, banorët e punonjësit nuk deshën të flisnin para kamerës.
“Nuk e di. Nuk jam i autorizuar të flas për këtë. Ne nuk mund t’u themi asgjë”.
Aksionin për mbylljen e komunave paralele serbe ka filluar së pari në Dragash, për të vazhduar në Pejë, Istog e Klinë.
Në Kosovë sipas sistemit serb kanë funksionuar 29 komuna paralele, ku katër prej tyre deri me tani janë mbyllur.
