Të premten nis stinori pranveror në Superligën e Kosovës në futboll, me dy ndeshje që janë në program.
Me fillim nga ora 12:00, Ballkani luan në Suharekë kundër Dukagjinit kurse Drita në Gjilan përballet me Malishevën.
Ballkani stinorin vjeshtor e ka përfunduar në pozitën e dytë në tabelë 33 pikë, 12 më shumë se Dukagjini që është i shtati.
Në vjeshtë, këto dy skuadra janë përballur dy herë me njëra tjetrën, me Ballkanin që ka fituar në Suharekë dhe ka barazuar në Klinë.
Ndërkohë, Drita është kampione vjeshtore dhe ka 10 pikë më shumë se Malisheva që renditet e treta në tabelë kurse në dy përballjet e vitit të shkuar gjilanasit kanë bilanc pozitiv me një fitore dhe një barazim.
Të dyja këto ndeshje i takojnë xhiros së 19-të, me të cilën edhe nis faza e tretë në elitën e futbollit kosovar.
Të shtunën, janë përballjet Llapi – Gjilani dhe Prishtina – Malisheva kurse të hënën xhiroja mbyllet me duelin ndërmjet Ferizajt dhe Feronikelit ’74.
Të gjitha ndeshjet e Superligës së Kosovës në futboll, mund ti ndiqni në platformën Telkos.
