E pikërisht në spitalin kardiokirurgjik, Zhan Mitrev në Shkup po dyshohet disa pacientë që shkuan për trajtim nga infeksioni Covid-19 humbën jetën.
Sipas hulumtumit të rrjetit Laboratori për Gazetari Hulumtuese – IRL, i titulluar “Gjaku i papastër” në këta pacientë u eksperimentua me metodën e pastrimit të gjakut.
Denica Chadikovska, njëra nga gazetaret e këtij hulumitimi tha se spitali “Zhan Mitrev” në mënyrë ilegale ka kryer trajtim të pasigurtë dhe të paqartë për Covid, që ka sjellur vdekjen e disa pacientëve nga Maqedonia, Kosova, Shqipëria dhe Sllovenia.
“Qëllimi i këtij eksperimenti ka qenë të kuptojnë se a funksionon pastrimi I gjakut apo hemofiltrimi për trajtimin e Covidit. Ceshtja këtu është se pacientët nuk kanë qenë të informuar për rreziqët që vinin nga kjo procedurë, pasi që kjo është një procedurë shumë e rrezikshme. Gjëja kryesore për këtë histori, për historinë “Bad Blood”, Gjaku i Keq është se nuk ka të bëjë vetëm me eksperimentin është një histori që tregon dështimin e autoriteve për të mbrojtur jetën dhe shëndetin e qytetarëve që kanë ardh jo vetëm nga Maqedonia por edhe më larg”, tha Chadikovska.
Po ashtu Chadikovska thekson se hulumtimi është i bazuar në 24 raportime, e katër prej rasteve fatale janë nga Kosova.
“Ne nuk kemi statistika për viktimat nga Shqipëria dhe Sllovenia, pasi që ata nuk kanë raportu për gjatë kohës që ka ndodhur hulumtimi por po raportojnë tani pas publikimit tonë. Historia është e bazuar nga 20 raportim nga Maqedonia dhe 4 nga Kosova. Viktimat nga Kosova janë të moshës 28,32,35 dhe 42 vjec. Duhet të falenderojmë familjet për guximin për që kanë raportu rreth kësaj ceshtjeje tek ne, pasi që ata janë mundu me raportu edhe në mediat e tjera por janë refuzu nga ana e tyre”, shtoi Chadikovska.
Ajo thotë se hulumtimi është në dorën e prokurorëve që të zbardhet se sa persona në të vërtetë kanë humbur jetën si pasojë e pastrimit të gjakut.
Ndërkohë që hetimet kanë filluar nga ana e organeve kompetente . Prokuroria Publike e Maqedonisë së Veriut ka njoftuar të hënën për nisjen e hetimeve në spitalin privat të kardiokirurgjisë në Shkup, “Zhan Mitrev”.
Raporti i gazetares Valëza Sylejmani.
