Ky repart që është shfrytëzuar për gratë shtatzëna me Covid, është pjesë e repartit të Konzervativës, ku trajtohen komplikimet e pacientëve.
Nga profesionistët shëndetësorë thonë se është fat të shohim një repart të boshatisur.
Ditët me fluks të madh të pacientëve për Curr Gjocajn, gjinekolog-obstetër, kanë qenë ditë të vështira dhe me ngarkesë pune.
“Fluksi më i madh ka qenë rreth 35 pacientë, nuk ka dalë ky repart e kemi leshu edhe krahun tjetër, ka qenë ai kulmi i kohës së pandemisë me shumë stres me shumë ngarkesë ne punë. Për pjesa dërmuese e kanë kaluar mirë,por dini që fatkeqësisht disa shtatzëna nuk kanë arrit me fitu këtë betejë. Kemi emocione të veçanta për ato ditë ngarkeses me punë, ka qenë diçka e panjohur për nënën për jetën e saj,këtë rast flitej për dy jetë, për foshnjën e saj”, thotë Gjocaj.
Nga Klinika Gjinekologjike, reparti për Covid-19,bëjnë të ditur se gjatë valës së fundit janar-shkurt 2022 kanë lindur 37 paciente,18 me lindje normale, ndërsa 19 kanë pasur lindje me prerje Cezariane.
Mjekët në vazhdimësi kanë bërë thirrje për vaksinim të grave shtatzëna. Reparti do të jetë i gatshëm në raste të shfaqjes së ndonjë rasti, mirëpo, deri atëherë dritat do të jenë të fikura.
Kronika e realizuar nga gazetarja Arlinda Sejdiu-Latifi.
