Nëna të reja, e profesionistë shëndetësor u tubuan në qendrën kryesore të mjekësisë familjare në Fushë Kosovë.
Në kuadër të javës së gjidhënies, u mbajt ky takim informues për të treguar rendësin e këtij procesi tek fëmija dhe nëna.
E benefitet e gjidhënies, para këtyre nënave i dha Mirnije Gojnoci e cila është koordinatore në këtë QKMF.
“Qumshti është ai që i jep forcë i jep imunitet i jep zhvillim i jep mbrojtje për cdo inflamacion për cdo infeksion që mund me pas fëmija. Zakonisht nënat në fillim kanë probleme me gjidhënie, asnjë fëmijë nuk e merrë me herën e parë gjinin, por nanat duhet me kanë këmbunglse nuk duhet me u dorëzu”, ka thënë Mirnije Gojnoci, koordinatore në QKMF.
Kryeshefi i QKMF-së kërkoj që gratë të fillojnë të informohen për gjidhënien në kohën kur planifikojnë të behën nëna.
Por që këto informata të merren nga ekspertët.
“Duhet rritet kujdesi i personeli shëndetësor që takimi me nënat potenciale , përgatitje potenciale të fillojnë nga koha kur gruaja planifikon të krijojë familje, pra duhet të marrë shumë informacion, informacionet duhet të jenë nga ekspertët, se informacionet nga ueb faqet mund të jep informacione të gabime që nëna të dështojë në gjidhënie”, u shpreh Mustaf Gashi, kryeshef në QKMF.
Për rendësin e gjidhënëise, ekipet madje zhvillojnë edhe vizat tek nenat.
E shpeshherë sipas infermieres Rrezarta Kelanit, nënat nuk janë të informuar si duhet.
“Informata nuk kemi mjaftueshëm, ndoshta iu duket më mirë formual pasi thonë po trashet se ne nënat kemi qef me pas fëmijët e trashë, por shumica nuk e dijnë benifitet e këto vizita i kanë dhënë informata se sa e rëndësishme është gjidhenie”, u shpreh Rrezarta Kelani- infermiere
Nga 1 gushti deri me 7 gusht shënohet java botërore e gjidhenies.
