Pasditen e sotme në Tiranë, një 37-vjeçar ka humbur jetën si pasojë e plagëve me thikë që ka marrë nga babai i tij.
Policia bën me dije se ngjarja ka ndodhur në banesë, ku H.Gj., rreth 74 vjeç ka goditur me thikë të birin, A.Gj., 37 vjeç.
Si pasojë e plagëve të marra, viktima ka ndërruar jetë në spital. Tch ka mësuar se gjatë konfliktit, autori dhe viktima dyshohet se kanë qenë të dehur.
Menjëherë pas njoftimit të marrë për ngjarjen, shërbimet e Policisë kanë bërë shoqërimin e autorit në Komisariat për veprime të mëtejshme.
Ndërkohë grupi hetimor po punon për sqarimin e rrethanave të ngjarjes./teve1.info/
