Për më pak se dy javë, kosovarët do të kenë mundësi të lëvizin lirshëm.
Hapjen e kufijve, ndonëse vetëm për turizëm, një numër i madh i punëtorëve po e shohin si mundësi për të punuar në vende evropiane.
Heqjen e viziave duket se po e presin edhe një numër i mësimdhënësve.
Madje sipas Sindikatës së Bashkuar të Arsimit, mësimdhënësit veçse kanë filluar të paraqesin pushime vjetore pa pagesë.
Kushtet e punës e pagat e vogla janë arsyeja që sipas Jasharit po i detyron mësimdhënësit ta lënë ditarin.
Ani pse kanë filluar kërkesat për pushime pa pagesë, megjithatë njohësit e arsimit nuk presin largime të mësimdhënësve nga Kosova.
Në bazë të ligjit të punës, të punësuarit mund të marrin një vit pushim pa pagesë dhe pas asaj periudhe të kthehen në vendin e punës.
Kërkesa të tilla nga mësimdhënësit ka pasur gjatë gjithë vitit.
