Tash e disa vite, Bajram Mehia në çdo Ramazan merr këtë rrugë.
I moshuar edhe në këtë natë të festës së Fitër Bajramit po e kryen një nga obligimet e fesë islame, dhënien e sadakasë së fitrit.
Mehia thotë se këtë kusht të fesë e ka përfunduar në çdo muaj të Ramazanit.
“Erdha të pazari për diçka, e pagova zeqatën dhe vitrat, anëtarësi e kam paguar para disa ditëve. E kanë praktikuar edhe pleqtë e tonë, edhe paraardhësit tonë edhe na po e praktikojmë. Prej si e mbaj mend unë gjithë babi ma jepke letrën shko paguaj vitrat, zeqatën, anetarësin jo se atëherë s’ka pas”, shprehet ai.
Dorëzimin e sadakas së Fitrit, këtë të martë e përfunduan edhe disa qytetarë tjerë këtu në selinë e Bashkësisë Islame.
“Rregullisht natën e Bajramit i paguaj vitrat për familjen time, edhe kam bo si shprehi si këtu., është e obligueshme për familje vitrat me pagu. Vetëm në kohën e Ramazanit, se gjatë muajve të tjerë po harrojnë njërzia, se muaji Ramazani është muaji i gjitha i të gjtha të këqijave me anulu ato, por kur po shkon Ramazani po harrojnë ato”, shprehet Ismet Berisha.
Nga Bashkësia Islame e Kosovës, kanë treguar e rëndësinë e këtij rituali fetar.
“Sadakaja e Fitrit është një obligim vjetor fetar, është një ibadetet materiale që praktikohet në muajin e Ramazanit dhe është i lidhur eksluzvisht me të. Atë e kanë obligim ta zbatojnë myslimanët që posedojnë pasuri përtej nevojave ditore familjare”, thotë Fitim Gashi nga BIK.
Gashi ka treguar vlerën e parave që duhet të dhuruar.
“Vlera e sadakas së fitrit është sa një ushqim për të varfrit , zaten kjo është synuar. Ne praktikojmë me vlerë monetarë, Bashkësia Islame përcakton vlerën, për këtë vit kemi 3.5 dhe 10 euro, varësisht prej gjendjes që kanë njerëzit”, thotë ai.
Sadakaja e fitrit duhet të dhurohet tek familjet qe kanë gjendje jo të mirë ekonomike.
