Në 23 vjetorin e themelimit të Policisë së Kosovës, Vjosa Osmani tha se policia e Kosovës është histori suksesi dhe institucion i qëndrueshëm me besueshmëri të lartë tek qytetarët.
Osmani tha se Policia e Kosovës është kujdesur për sovranitetin dhe sigurinë e Kosovës.
“Policia e shtetit tonë tregon se është jo vetëm një nga hallkat e shtetit por ndër historitë më të suksesshme që mund të krijomë institucione të qëndrueshme me besueshmëri të lartë të qytetarëve tanë. Ju keni qenë vazhdimisht ndër shtyllat e shtetit dhe garantuesit e sigurisë dhe jetës e pronës së Kosovës”, tha ajo.
Kryeministri i Kosovës, Albin Kurti në ceremoninë solemne të shënimit të 23 vjetorit të themelimit tha se zyrtari policor në çdo ditë të punës e ka detyrën e profesionit më fisnik atë të mbrojtjes së qytetarëve.
“Javën që shkoi ne u ballafaquam me një rast shumë të rëndë ku një vajzë e mitur qe sot do të duhej të ishte në bankat shkollore ndodhet në strehimore. Prandaj nga ju pritet të jeni në nivel të sigurisë në çdo cep e kudo. Trasoni rrugët lehtësisht të kalueshme për të gjithë. Për këtë kohë sa bashkëpunojmë jeni dëshmitarë se jeni të pa kompromis ndaj krimit nuk jeni ndal ndonëse nga bandat e ndryshme janë drejtuar armët dhe janë shkrepur plumbat”, u shpreh Kurti.
Ai tha se integriteti moral dhe personal janë shtylla të domosdoshme për Policinë e Kosovës.
Në përvjetorin e 23-të të themelimit të Policisë së Kosovës, u ndanë mirënjohje për policë të dalluar dhe qytetarë të cilët kanë bashkëpunuar me policinë./KP/