Një sasi e substancës së dyshuar narkotike është gjetur pasditen e së enjtes në një shtëpizë në Pejë. Rasti është raportuar nga qytetarët gjatë procesit të pastrimit të objektit, ku më pas kanë ndërhyrë njësitet policore.
Sipas raportit 24-orësh të Policisë së Kosovës, njësitet përkatëse kanë dalë menjëherë në vendin e ngjarjes dhe kanë sekuestruar rreth 85.6 gramë marihuanë.
“Gjatë pastrimit të një shtëpize është hasur një qese me substancë të dyshuar narkotike. Njësitet përkatëse kanë dalë në vendin e ngjarjes dhe kanë sekuestruar rreth 85.6 gramë marihuanë”, thuhet në njoftimin e Policisë.
Më tej, autoritetet kanë bërë të ditur se për rastin është njoftuar prokurori kompetent, i cili ka udhëzuar që materiali i sekuestruar të dërgohet për ekspertizë laboratorike.
“Lidhur me rastin është njoftuar prokurori. Rasti nën hetime”, thuhet më tej në raportin policor.
Hetimet janë në vazhdim për të zbuluar origjinën e substancës dhe nëse ka persona të përfshirë në posedim apo shpërndarje të saj.
