Me katër ndeshjet tjera që luhen sonte në kuadër të 1/8 së finales të Ligës së Kampionëve, do të kompletohet seti i skuadrave çerekfinaliste të kësaj gare.
Në çerekfinale, tashmë kanë avancuar Barcelona, Interi, Bayern Muncheni e PSG-ja, të cilat po presin katër skuadrat tjera që do të kualifikohen në këtë fazë.
Në dy termine të ndryshme, sot do të luhen katër duelet e kthimit të 1/8 së finales por vëmendja kryesore do të jetë në stadiumin “Ëanda Metropolitano” ku Atletico Madridi pret Real Madridin.
Kjo ndeshje nis në orën 21:00 dhe pritet të jetë shumë e fortë dhe tejet interesante, pasi Atletico do të mundohet ta eliminoj Realin, ekip që javën e shkuar në duelin e parë fitoi 2:1.
Në ora 21:00, luhen edhe përballjet Arsenal – PSV Eindhoven e Aston Villa – Club Brugge, me skuadrat angleze që veçse mund të llogariten çerekfinaliste pasi kësaj dileme i kanë dhënë fund javën e shkuar.
Arsenali ka fituar 7:1 në duelin e parë në Holandë kurse Aston Villa në Belgjikë triumfoi me shifrat 3:1.
Përballje tjetër interesante do të jetë ajo ndërmjet Lillet dhe Borussia Dortmundit, e cila nis në orën 18:45, ku të dyja skuadrat kërkojnë kalimin tutje pasi në ndeshjen e parë kanë luajtur baras – 1:1.
