Një 65-vjeçar është gjetur pa shenja jete të mërkurën pasdite në fshatin Marinë të Skenderajt.
Rastin për Tëvë1 e ka konfirmuar Avni Zahiti, zëdhënës i Policisë Rajonale në Skenderaj.
Sipas Zahitit, rasti është raportuar rreth orës 16:25, ndërsa në vendin e ngjarjes kanë dalë njësitë përkatëse policore dhe ekipi mjekësor.
“Me datën 21.09.2026, rreth orës 16:25, është raportuar se në fshatin Marinë të Skenderajt është gjetur pa shenja jete një mashkull, rreth 65 vjeç. Në vendin e ngjarjes kanë dalë njësitë përkatëse policore dhe ekipi mjekësor, i cili ka konstatuar vdekjen. Me vendim të prokurorit, trupi i pajetë është dërguar për obduksion”, tha Zahiti për Tëvë1.
Rasti është duke u hetuar nga autoritetet kompetente.
