Ajo tha se këta pacientë kanë vështirësi për vet faktin se janë të lidhur me aparatin e dializës dhe detyrohen që tri herë në javë t’i nënshtrohen këtij procesi.
“Në Kosovë, gjithsej janë shtatë qendra të hemodializës, është qendra e hemodializës në kuadër të Klinikës së Nefrologjisë, e cila përbëhet prej dy njësive, hemodializës 1 që është brenda objektit dhe hemodializa 2, e cila është në lagjen Kodra e Trimave. Kurse, gjashtë qendrat tjera janë në spitalet regjionale, qendra të hemodializës ka Spitali Regjional i Ferizajt, i Gjilanit, Prizrenit, Gjakova, Peja dhe Mitrovica. Sa i përket numrit të të sëmurëve që trajtohen me hemodializë përafërsisht në shtatë qendrat e Kosovës është diku afër 800 pacientë. Kurse, në Klinikën e Nefrologjisë, numri i të sëmurëve që janë në program të rregullt të hemodializës është gjithsej 225 të sëmurë. Sa i përket vështirësive është vet jeta e vështirë, duke qenë që këta pacientë janë të lidhur me aparatin dhe realizojnë seancat e dializës sipas protokollit që është tri herë në javë nga katër orë. Do të thotë, është mjaft sfiduese për këta të sëmurë”, tha Berbatovci-Ukimeraj në emisionin “De Jure” në Tëvë1.
Për më shumë, ndiqeni hulumtimin e emisionit “De Jure” me titull “Jeta në dializë”, i cili transmetohet në “Tëvë1” dhe “Betimi për Drejtësi”./Tëvë1/
