623 operacione janë kryer deri më tani në Klinikën e Neurokirurgjisë.
Kështu ka bërë të ditur Qendra Klinike Universitare e Kosovës, ku thuhet se të shtrirë kanë qenë 820 paciente, shkruan teve1.info
“Në Klinikën e Neurokirurgjisë të Qendrës Klinike Universitare të Kosovës (QKUK), nga 1 janari deri në muajin nëntor janë kryer 623 operacione të ndryshme të natyrës neurokirurgjike, në bashkëpunim me anesteziologët e Klinikës së Anesteziologjisë, kurse në total kanë qenë të shtrirë 820 pacientë. Mjekët neurokirurgë kanë kryer edhe mbi 3 mijë vizita ambulantore”, thuhet në njoftim.
Tutje, thuhet se aktualisht, me investim nga Ministria e Shëndetësisë në bashkëpunim me ShSKUK po zbatohet projekti për rinovim të sallave operative.
“Krahas kësaj, klinika është furnizuar me aparatura bashkëkohore si Mikroskop Operativ Neurokirugjik me dritë Fluroscente, Aspirues Ultrasonik, Ultratingullin Operator, Neuronavigacion, Endoskop Cranial”./teve1.info
