Policia e Kosovës po vazhdon aksionin e saj për konfiskimin e dokumenteve në ish objektet e komunave paralele serbe, të cilat u mbyllën më 30 gusht në katër komunat veriore. Zedhenesi i Policisë për rajonin e veriut, Veton Elshano thotë se kjo do t’ju shërbei për hetim më të gjerë institucioneve të drejtësisë, ndërsa Nexhat Ugljanin kryesues i kuvendit komunal në veri të Mitrovicës, thotë se në këto objekte po vendosen institucionet shtetërorë të Kosovës.
Flamuri i Republikës së Kosovës është vendosur.
E i gjithë objekti po sigurohet nga Policia e Kosovës.
Pasi kjo godinë komunale më herët është përdorur nga strukturat paralele serbe.
Zëvendës drejtori për rajonin e veriut, Veton Elshani, thotë se aksioni për konfiskimin e dokumenteve në ish objektetet e komunave paralele do të vazhdojë.
“Edhe sot Policia e Kosovës ka tërheq prova materiale nga ndërtesa e në Leposavic e cila ka shërby si komunë paralele”, tha ai.
Që nga 30 gushti 2024 kur është bërë bastisja e këtyre ndërtesave mjaftë prova materiale janë tërheq nga aty, do të vazhdojmë edhe ditëve në vijim
E kryesuesi i kuvendit komunal ne veri të Mitrovicës, Nexhat Ugljanin, thotë se mbyllja e strukturave paralele serbe, tregon për shtrirjen e ligjshmërisë në komunat veriore.
Më 30 gusht ministria e Administrimit të Pushtetit Lokal në koordinim me institucionet tjera mbyllën 5 komuna paralele serbe të cilat kanë funksionuar sipas direktivave të Serbisë.
