Në një postim në Facebook, Osmani tha se java globale e ndërmarrësisë shndërrohet në një javë festive e cila në fokus e ka bashkimin mendjeve inovative, individëve të guximshëm, personaliteteve inspiruese dhe vajzave e djemve të cilët dëshirojnë me ngulm t’i shndërrojnë idetë e tyre në nisma konkrete e të suksesshme.
“Derisa dihet se nëntori te ne është muaj i fetave, për 10 vite me radhë ICK është kujdesur që nëntorin ta shndërroj edhe në muajin e referencave sa i përket zhvillimit të sektorit të TIK-ut, zhvillimin e atyre që njihen si start-up por edhe në muajin ku investitorët potencial, bashkëpunëtor dhe financues i kthejnë sytë kah Kosova për të parë mundësinë e zhvillimit të projekteve e bashkëpunimeve të reja në fushën e ndërmarrësisë. Andaj e konsideroj të rëndësishme që ndërmarrësia të mos has në pengesa e të gjejmë zgjidhje për sfidat socio-ekonomike që po përballemi e pse jo edhe sfidat politike”, tha Osmani.
Ajo shtoi se për 10 vite ICK ka arritur t’i realizoj ëndrrat e mbi 600 të rinjve e të rejave.
