Shumë shpejt këtu pritet të fillojë një projekt i ri.
Në hapësirat e Spitalit Rajonal te Gjilanit do te nis ndërtimi i një kuzhine për qëndrim ditor.
Pikërisht për këtë, të premten për vizitë në këtë komunë erdhi kryetari i Shoqatës “Jetimat e Ballkanit”
Halil Kastrati u prit nga kryetari, Alban Hyseni bashkë me stafin e tij.
Në dyer të mbyllura, ata diskutuan për nisjen e këtij projekti madhor.
E pas takimit, i pari i Komunës tregoi se tashmë ka mbetur edhe pak kohë deri në nisjen e këtij projekti.
“Ndërkohë që kemi nënshkruar edhe një marrëveshje për ndërtimin e qëndrimit ditor për pleq edhe të njëjtën kohë edhe për kuzhinën popullore. Pra ky është projekti për të cilin jemi dakorduar sot por edhe për shumë tjera për të cilat kemi biseduar. Projekti e ka lokacionin tashmë ka qenë në diskutim publik pra është brenda hapësirës së Spitalit të qytetit tonë ndërkohë që për datën e fillimit edhe për koston mbetet që ditët në vijim të japim detaje sepse duhet të ndjekim disa procedura”, ka thënë kryetari i Gjilanit, Alban Hyseni.
E këtë lajm po e mirëpret edhe humanisti Halil Kastrati.
“Ne realisht lajmet për në dobi të qytetarëve na gëzojnë ne kemi pas takime me kryetarin edhe para ditës së sotit kemi diskutuar gjer e gjatë edhe duke falënderuar gjithmonë Zotin edhe njerëzit e vullnetit të mirë erdh dita edhe me u nënshkru ky memorandum bashkëpunimi për ndërtimin e qëndrimit ditor për të moshuar kuzhinë humanitare dhe bujtinë për student“, ka thënë ai.
Ai thotë se kjo do ta ndihmojë punën e tyre në fushën e humanizmit.
“Neve jemi duke shkuar në atë aspekt që qendra të tilla të kenë të gjitha qytetet në Kosovë. Ndoshta më mirë kisha me thënë kishte me rëndu punën tonë është përgjegjësi e madhe megjithatë ne e kemi thanë gjithmonë kemi marrë mision aktivitet tona për neve është kënaqësi me i shërby popullit tonë”, ka deklaruar Kastrati.
Kjo kuzhinë do të shërbejë për qëndrim ditor për të moshuarit por edhe studentë te kësaj komune.
