Në gjendje të dehur u prezantua si person zyrtar, arrestohet i dyshuari në Skenderaj

Një person është arrestuar nga Policia e Kosovës, pasi që i njëjti në gjendje të dehur ishte prezantuar si person zyrtar.

I arrestuari, nën ndikimin e alkoolit një personi ia kishte kontrolluar xhepat e rrobave dhe tërë trupin.

Ndërkohë, me vendim të prokurorit kujdestar i dyshuari është dërguar në mbajtje.

Rasti ka ndodhur pasditen e djeshme në Skenderaj.

“Është arrestuari dyshuari mashkull kosovar pasi që i njëjti nën ndikim të alkoolit viktimës mashkull kosovar i ishte prezentuar si person zyrtar dhe e kishte kontrolluar në xhepa të rrobave dhe në trup. Me vendim të prokurorit kujdestar i dyshuari është dërguar në mbajtje”, thuhet në njoftim./teve1.info/