Një grua ka njoftuar policinë se i është shkaktuar dhunë nga bashkëshorti i saj, i cili ka qenë në gjendje të dehur të premten në Pejë.
Si pasojë e dhunës, viktima ka pranuar tretman mjekësor.
Sipas policisë, i dyshuari nuk është hasur në shtëpi gjatë ndërhyrjes së policisë, por më vonë është paraqitur vetë në stacionin policor.
Pas intervistimit, me urdhër të prokurorit, ai është liruar në procedurë të rregullt.
“Pejë 17.10.2025 – 15:30. Është raportuar se viktima femër kosovare, ka pësuar dhunë nga bashkëshorti i saj, i dyshuari mashkull kosovar, i cili ishte në gjendje të dehur. Si pasojë e dhunës fizike viktima ka pranuar tretman mjekësor. I dyshuari fillimisht nuk është hasur në shtëpi nga policia, por më vonë është paraqit në stacion policor dhe pas intervistimit me urdhër të prokurorit është liruar në procedurë të rregullt”, thuhet në raportin policor./teve1.info/
