Kështu ka njoftuar Komuna e Prishtinës, duke bërë të ditur se kjo do të bëhet për shkak të testimit të shndërrimit unazës qendrore në qarkore njëkahëshe për automjetet.
Sipas njoftimit, rrugët “Agim Ramadani”, “UÇK”, “Migjeni”, “Luan Haradinaj”, “Garibaldi”, “George Bush” dhe Eqrem Qabej do të jenë plotësisht njëkahëshe.
“Do të funksionojnë, gjatë kësaj fundjave, krejtësisht si rrugë njëkahëshe: Rruga ‘Agim Ramadani’ që nga semaforët pranë ish-menzës së Studentëve e deri te rrethrrotullimi prapa ndërtesës së Komunës, – Rruga ‘UÇK’ nga Parlamenti e deri te ish-Kino Rinia, – Rruga ‘Migjeni’ deri te ndërtesa e ish-OSBE, Rruga ‘Luan Haradinaj’ deri te semaforët pranë Bankës Qendrore, Rruga ‘Garibaldi’ deri te semaforët pranë Grandit, Rruga ‘George Bush’ deri te semaforët pranë Katedrales, Rruga ‘Eqrem Çabej’ deri te semaforët pranë ish-Menzës së Studentëve, Lëvizja e trafikut nëpër unazën e mësipërme do të jetë njëkahëshe në të gjitha korsitë dhe krahët e rrugëve”, thuhet ndër tjerash në njoftim./teve1.info/
