Në Fshatin e Vjetër të Ferizajt është organizuar manifestim me rastin e inaugurimit të presidentit të ShBA-së, Donald Trump.
Manifestimi sipas organizatorëve që është tradicional bëhet në shenjë të miqësisë me Shtetet e Bashkuara të Amerikës, raporton Tëvë1
Ky manifestim është mbështetur edhe nga Komuna e Ferizaj.
Ditën e sotme presidenti i zgjedhur i Shteteve të Bashkuara të Amerikës do të marrë detyrën, duke u bërë kështu kreu i 47-të i shtëpisë së Bardhë.
Ceremonia do të zhvillohet në ambientet e brendshme të Kapitolit, kjo për shkak të temperaturave shumë të ulëta.
Në këtë ceremoni të betimit janë ftuar udhëheqës të huaj, përfshirë edhe disa figura nga Kosova.
Në mesin e tyre do të jetë kryetari i Aleancës për Ardhmërinë e Kosovës, Ramush Haradinaj, ish-presidenti Behgjet Pacolli e kryetari i Prishtinës, Përparim Rama.
