992 shërbime mjekësore të ofruara gjatë fundjavës në Qendrën Emergjente të QKUK-së
Qendra Klinike Universitare ka bërë të ditur se gjatë fundjavës Emergjenca ka ofruar 992 shërbime mjekësore, duke trajtuar një numër të madh pacientësh dhe duke siguruar kujdes shëndetësor të pandërprerë për rastet që kanë kërkuar ndërhyrje emergjente.
Sipas kategorive të trajtimit, janë realizuar:
- Reanimim – 227 pacientë
- Trajtime në Emergjencën Kirurgjike – 168 pacientë
- Trajtime në Emergjencën Internistike – 286 pacientë
- Trajtime në Emergjencën Ortopedike – 200 pacientë
- Shërbime në Sallën e Vogël – 94 pacientë
Nga rastet e trajtuara sipas natyrës së lëndimeve:
- Të rrahur – 6 raste
- Intoksikime – 5 raste
- Të lënduar në aksidente komunikacioni – 75 raste
- Të lënduar me 1 armë të ftohta.
Gjatë kësaj periudhe janë realizuar edhe 85 pranime për trajtim të mëtejmë në klinikat përkatëse. Nuk është raportuar asnjë rast i vdekjes (exitus).
Qendra Emergjente sipas njoftimit vazhdon të funksionojë me kapacitete të plota, duke ofruar kujdes shëndetësor të pandërprerë dhe profesional për të gjithë pacientët që paraqiten për trajtim.
