Kryeministri i vendit, Albin Kurti me rastin e festës së Kurban Bajramit, ka vizituar tre policët kufitarë që ishin rrëmbyer nga forcat serbe me 14 qershor.
Kurti ka thënë se kjo vizitë ishte festë e dyfishtë në Peran, Letanc dhe Mitrovicë.
Teksa ka falënderuar policët dhe familjarët e tyre për qëndresën dhe mbështetjen ndaj institucioneve të Kosovës.
“Për Bajram te Beqir Sefa, Rifat Zeka e Shemë Mustafa, tre oficerët tanë të Policisë, që ishin rrëmbyer me 14 qershor nga forcat e armatosura serbe, e u mbajtën rob padrejtësisht për 13 ditë nga Serbia. Mikpritje fort e ngrohtë, sepse festa ishte e dyfishtë në Peran, Letanc dhe Mitrovicë. I falënderova të tre policët tanë dhe familjet e tyre për qëndresën, besim e treguar dhe mbështetjen e dhënë ndaj institucioneve të Republikës”, ka shkruar Kurti./teve1.info./
