Janë bërë 25 vjet që kur forcat serbe lanë të vrarë 376 persona në Mejë të Gjakovës.
E në nderim të këtij përvjetori, e para e shtetit Vjosa Osmani bëri homazhe në “Lëndinën e Pikëllimit”.
Ceremonia përkujtimore nisi me një minutë heshtje e intonime të himnit kombëtar dhe shtetëror.
Pastaj presidentja Osmani mori fjalën.
Aty tha se kjo ngjarje është Srebrenica e Kosovës.
“Meja është testament i dhimbjes së vazhdueshme në çdo shtëpi të Kosovës. Lëndina e pikëllimit është vendi i së vërtetës sonë, rrëfimi i trishtë për 376 fate njerëzore, është Srebrenica e Kosovës. Ky vend është thirrja jonë më e fuqishme për drejtësi, është personifikim i rrugës së vështirë dhe sakrificës nëpër të cilën kemi kaluar si popull”
I pranishëm ishte edhe kryeministri Albin Kurti. Ai tha se edhe 25 vjet pas luftës, Serbia e vazhdon përpjekjen ndaj Kosovës dhe po e bën me strategjinë e fshehjes së krimeve.
“Trashëgimtarët e Millosheviqit në Beograd, dikur bashkëpuntorë e sot politikanë, drejtues të shtetit serb refuzojnë t’i hapin arkivat për t’i zbuluar lokacionet e varrezave masive dhe refuzojnë të punojnë me drejtësinë ndërkombëtare”
Kurse, kryetari i Komisionit Qeveritar për Personat e Zhdukur, Andin Hoti theksoi se kjo ditë do duhej të ishte dita e një thirrje zgjimi për gjithë botën.
Teksa bëri thirrje për presion më të madhe ndaj Beogradit.
“Në vazhdën e thirrjeve tona të vazhdueshme, u bëjmë thirrje publike për presion më të madh që zëri ynë, që thirrja e arsyes për ta trajtuar këtë çësjtje si një çështje humanitare në radhë të parë, të depërtojë sa më parë në Beograd në mënyrë që të mund të zgjidhim fatin e personave të zhdukur”
Të pranishëm për të bërë homazhe ishin edhe deputetë e ministra.
